سەندیکای دەرمانسازانی کوردستان، بەسەرپەرشتیی وەزارەتی تەندروستیی و بەهەماهەنگیی لەگەڵ زانکۆی هەولێری پزیشکی، سەندیکای پزیشکان و سەندیکای پزیشکانی ددان، هەڵدەستێت بە ئەنجامدانی یەکەم کۆنفڕانسی نیشتیمانیی بۆ بەرەنگاربوونەوەی بەرگریی میکرۆبەکان بەرامبەر دەرمانە دژە زیندەییەکان و بەرەوپێشبردنی ئاگایی دەرمان لە هەرێمی کوردستان لەژێر دروشمی “تەندروستی گشتیی بەرپرسیاریەتیی هەموومانە”، لە شاری هەولێر، لە ڕۆژانی 7، 8 و 9ی ئەیلوولی 2023.
کۆنفڕانسەکە هەوڵێکی نیشتیمانییە لەپێناو بەرزکردنەوەی هۆشیاریی هاوڵاتیان دەربارەی بەکارهێنانی دروستی دەرمانە دژە زیندەییەکان، زیانەکانی پابەندنەبوون بە دەرمان و مەترسییەکانی دروستبوونی بەرگریی میکرۆبەکان لەدژی ئەو دەرمانانە، تیایدا باس لە کۆمەڵێک بابەتی پەیوەندیدار بە بەرەنگاربوونەوەی بەرگریی میکرۆبەکان دەکرێت.
بۆ ئەم مەبەستە، هەر کەس و لایەنێک بابەتێکی زانستیی پەیوەندیدار، کینۆت، ئارتیکڵ، توێژینەوە یاخود هەر شتێکی بڵاوکراوەی هەبێت و ئارەزوو دەکات بەشداربێت لە کۆنفڕانسەکەدا، تکایە با بینێرێت بۆ ئیمەیڵی لێژنەی باڵای ئامادەکاری کۆنفڕانس کە لە خوارەوە ئاماژەی پێکراوە.
– ڕێکەوت: 7، 8 و 9ی ئەیلوول
– شوێن: هەولێر
– ئیمەیڵ: amr@skpi.krd
– ژمارەی مۆبایل: 0268 021 770 964+
