سەندیکای دەرمانسازانی کوردستان بە هەماهەنگی لەگەڵ رێکخراوی KPSA هەڵسا بە ئەنجامدانی لوتکەی دەرمانسازیی کوردستان 2021 لەرۆژی جیهانیی دەرمانسازان 25ی ئەیلول، لەژێر دروشمی “هیوایەک بۆ دۆزینەوەی چارەسەری کێشەکانی دەرمانسازان و بواری دەرمانسازی لە کوردستان”.

لە لووتکەکەدا لە دوو پانێڵی جیاوازدا گفتوگۆ لەسەر چەندین بابەتی گرنگی پەیوەندیدار بە دەرمانسازان و کەرتی دەرمانکرا، وە پێشنیار و چارەسەری پێویست لەلایەن لایەنە پەیوەندیدارەکانەوە خرایەڕوو، وە لە کۆتاییشدا راسپاردەکانی لوتکەکە خوێنرانەوە بە مەبەستی کارکردن لەسەر رێگەچارەکان.